Ҳар андешае, ки дар пардаи хаёл нақш мебандад, сазовор аст, ки рӯзе дар пардаи тасвир ҷони хешро ёбад.
«Рӯйдоди Пейчинг Ой-Филм» майдонест одилона ва касбӣ барои санҷишу озмоиш намудани орзуҳои онҳое, ки ғояҳои камёб доранд; ғояҳое, ки на танҳо шунида мешаванд, балки то расидан ба нусхаи истеҳсолӣ ва пахши касбӣ, ҳамроҳӣ меёбанд.
Ин рӯйдод қадаме навоварона дар самти татбиқи ҳадафҳои шабакаи Ой-Филм барои кашфи истеъдодҳои дурахшон ва баланд бардоштани мақоми филми кӯтоҳ мебошад. Мо бовар дорем, ки филмҳои кӯтоҳмуддат манбаи бисёр навоварӣ ва эҷодиёт дар синамо аст ва бо фароҳам овардани заминаи мувофиқ метавонем шоҳиди пайдоиши асарҳои дурахшон бошем, ки ҳам аз нуқтаи назари ҳунарӣ ва ҳам аз эҳтимоли паём арзишманд ва таъсирбахшанд.
«Пейчинг» равандест, ки аз ҳунар, зеҳн ва малака иборат мебошад ва ба эҷодкорон имкон медиҳад то ғоя, лоиҳа ва ҳатто қисматҳое аз асари эҷодии худро ба шакле ҷолиб ва боварбахш ба таҳиякунандагон, сармоягузорон, фармоишгарон ва роҳбарони расонаӣ пешниҳод намоянд. Ин рӯйдод мекўшад ин малакаи арзишмандро дар миёни филмсозони ҷавон ва эҷодкори эронӣ таблиғ намуда, имконияти беназире барои дида шудан ва дарёфт кардани дастгирии заруриро барои онҳо фароҳам оварад.
«Рӯйдоди Пейчинг Ой-Филм» дар ин чорчӯба таъриф ёфта, шакли амалӣ мегирад:
1.Ҳадафҳо ва чашмандоз
Чашмандози мо, тарсими уфуқи рӯшан барои филми кӯтоҳ аст; уфуқе ки дар он:
Кашф ва ҳимоят аз филмсозони арсаи филми кӯтоҳ: Ҳадафи асосии мо шиносоии истеъдодҳои навзуҳур ва ҳимояти ҳамаҷониба аз онҳо дар масири табдили идеяҳояшон ба осори намоишии мондагор аст. Ин ҳимоят шомили арзаи омӯзишҳои ихтисосӣ, осонсозии равандҳои истеҳсол ва фароҳам кардани фурсатҳои дида шудан аст.
Тақвияти равишҳои фарҳангӣ, ҳунарӣ ва арзишмадор дар истеҳсолоти намоишӣ: Мо ба дунболи тавлиди осоре ҳастем, ки битавонанд бозтобдиҳандаи ғановати фарҳангӣ, арзишҳои волои инсонӣ ва иҷтимоии ҷомеаи Эрон ва ҷомеаҳои гуногуни ҷаҳон бошанд. Авлавият бо тарҳҳоест, ки нигоҳи амиқ ва нав ба мафҳумҳои арзишманд дошта бошанд.
Фароҳам кардани бистаре барои омӯзиши амалии маҳорати пейчинг ва тавсеаи лоиҳа ба шакли низомманд: Бахши қобили таваҷҷуҳи равандҳои пейчинг, омӯхтани наҳваи арзаи муассири тарҳ аст. Коргоҳҳои омӯзишии мо ба ширкаткунандагон ёрӣ медиҳанд то маҳоратҳои лозим барои муаррифии лоиҳаи худ ба беҳтарин шакли мумкинро ба даст оранд.
Эҷоди шабакаи иртиботӣ миёни филмсозон, тайёркунандагон ва паҳнкунандагон: Ин рӯйдод фурсати муносибе барои барқарории иртиботҳои касбӣ байни филмсозон, сармоягузорон, таҳиякунандагон ва мудирони расонаӣ аст, то масири истеҳсол ва тақсими осор осон гардад.
Тавлиди осоре бо қобилияти намоишии густарда дар шабакаи Ой-филм ва ҷашнвораҳо: Яке аз муҳимтарин хуруҷиҳои ин рӯйдод, тавлиди филмҳои кӯтоҳе аст, ки аз кайфияти ҳунарӣ ва фаннии болое бархурдор буда ва битавонанд дар сатҳи миллӣ ва байналмилалӣ мавриди таваҷҷуҳ қарор гиранд ва дар ниҳоят аз тариқи шабакаи Ой-филм ба мухотабҳои густардатаре арза шаванд.
2. Ҳимоятҳо
Баргузидагони ин рӯйдод аз ҳимоятҳои ҷомеъ ва вижае баҳраманд хоҳанд шуд, ки иборатанд аз:
Омӯзиши ихтисосии фишурда тавассути устодони номовари арсаи пейчинги осори халлоқ: Ширкаткунандагони баргузида дар коргоҳҳои омӯзишии корбурдӣ ва фишурда ширкат дода мешаванд, ки тавассути афроди соҳиби таҷрибаи пейчинг дар рӯйдодҳои муътабари ҷаҳонӣ ин таҷрибаҳо мунтақил хоҳад шуд.
Фурсати арзаи тарҳ дар ҷаласаи пейчинги ҳузурӣ бо ҳузури сармоягузорон, супоришдиҳандагон, харидорон ва мудирони расона: Беҳтарин тарҳҳо фурсат хоҳанд ёфт то дар як ҷаласаи расмӣ ва ҳузурӣ, идеяҳои худро арза диҳанд. Ин ҷаласа, фурсати тиллоӣ барои ҷалби назари ҳомиёни молӣ ва эҷоди иртиботҳои касбӣ аст.
Бархурдорӣ аз ҳимояти молӣ барои тавлиди филми кӯтоҳ: Тарҳҳои баргузида аз ҳимояти молии мушаххас ва мутаносиб бо буҷаи лоиҳа, барои тавлиди филми кӯтоҳ бархурдор хоҳанд шуд. Ҳамчунин, имкони дастрасии филмсозон ба ҳидоят ва раҳнамоии қадам ба қадами устодони тавлид фароҳам мешавад.
Пахши осори мунтахаб дар шабакаи Ой-филм ва муаррифӣ дар барномаҳои нақд ва таҳлил: Тамоми осори мунтахаб ва тавлидшуда бо ҳимояти ин рӯйдод, аз шабакаи Ой-филм пахш хоҳанд шуд. Ҳамчунин, муаррифии ин осор ва нақду баррасии онҳо дар барномаҳои ихтисосии шабака, фурсате барои дида шудани ҳарчи бештари филмсозон ва осорашон фароҳам меоварад.
3. Шаш гоми рӯйдод:
Гоми нахуст: Эълони фарохон ва бозкушоии торнамои рӯйдод барои сабти идея ва тарҳи ибтидоӣ
Гоми дуюм: Баррасии савобиқи арзадиҳандаи тарҳ ва идея (арзадиҳанда бояд бо савобиқи худ исбот намояд, ки тавонмандии лозим ба ҷиҳати тавлиди комили тарҳеро, ки пешниҳод намуда, дорад).
Гоми сеюм: Сайри омӯзишии чигунагии печи муносиб ва табдили идея ба китобчаи марҷаъи печ.
Гоми чаҳорум: Баргузории ҷаласаи пейчинг (баргузидагони мароҳили қабл бо муддати замони мушаххас имкони арзаи тарҳи худро дар баробари харидорон, сармоягузорон, супоришдиҳандагон ва мудирони расонаӣ хоҳанд дошт).
Гоми панҷум: Ҳимояти баргузоркунандаи рӯйдод (iFilm) ва дигар ҳомиён аз тарҳҳои арзашуда ва шурӯи равандҳои тавлид.
Гоми шашум: Баргузории ҷашни рӯйдод ва эҳдои ҷоиза ба баргузидагон ва пахши осор аз маҷмӯаи каналҳои шабакаи ҷаҳонии Ой-филм